Actividades

O Clúster Libro celebrará este xoves 22 de setembro uns Seminarios de Intenacionazación enfocados aos socios que compoñen a entidade. Esta xornada, que terá lugar na Biblioteca de Galicia a partires das 10.00 horas, conta de dous seminarios. O primeiro deles céntrase especialmente nas estratexias de internacionalización e na selección dos mercados, mentres que o segundo, que dará comezo ás 16.00 horas, profundiza máis nos métodos de acceso a eses mercados exteriores e nos plans de actuación para cada canle ou mercado. Trataranse, polo tanto, temas de especial importancia á hora de mirar aos mercados exteriores. Os poñentes das conferencias serán Manuel Egea, Carmen Costas e Fernando Picón, todos eles con ampla experiencia en formación sobre internacionalización e promotores homologados do Programa PIPE. Estes seminarios conforman unha parte necesaria para a elaboración do Plan de Internacionalización para as empresas desta entidade e que se está a realizar coa axuda do IGAPE.

SEMINARIO 1 (10.00-14.00)

A ESTRATEXIA DE INTERNACIONALIZACIÓN E A SELECCIÓN DE MERCADOS

• Os factores críticos internos e externos para internacionalizar con éxito: búsqueda das vantaxes competitivas.
  
• O proceso de internacionalización: dificultades e barreiras; apoios e estratexias gañadoras; razóns, momentos e modalidades; erros comúns e casos exitosos.
  
• DAFO e medida do potencial exportador e xeración de estratexias do Clúster Libro.
  
• Establecemento dos obxectivos de internacionalización do Clúster Libro.
  
• Selección de mercados obxectivos para o Clúster Libro: criterios de selección que non  requiren unha investigación profunda.
  
• Avaliación mediante indicadores.
  

SEMINARIO 2 (16.00-19.00)

ESTRATEXIAS DE ACCESO AOS MERCADOS EXTERIORES E PLANS DE ACTUACIÓN PARA CADA MERCADO E CANLE

• Formas de acceso a un mercado
  
• Factores de elección da estratexia de acceso ao mercado para o Clúster Libro.
  
• Deseño e planificación de accións básicas de promoción das empresas do Clúster Libro nos mercados e canles seleccionadas.
  
• Políticas de prezo e promoción para as empresas do Clúster Libro.
  

Esta actividade, coa que colabora a Cidade de Cultura de Galicia, é gratuíta e aberta ata completar aforo.

Máis información e inscrición en info@clusterlibro.org